Рәсим Низамов: «Ашка иң беренче чиратта тәмләткеч түгел, ә күңелеңне салырга кирәк»
Татарстанның халык артисты Рәсим Низамов: «Сезнең гаиләдә эш бүленеше бармы?» – дигән сорауга җавап биргән.
– Дөрес ниятләсәң, барысын да эшләргә мөмкин. Ир-ат кешегә 70 төрле һөнәр дә аз, диләр. Бу чыннан да шулай. Ир-ат хатын-кыз эшләгән эшнең барысын да эшли ала, бала гына таба алмый. Үземне белгәннән бирле мин гел хезмәттә. Гаиләдә бердәнбер бала булгангамы, күп эшне үземә генә башкарырга туры килә иде: утын әзерләү, бакчада казыну, су ташу... Хәзер дә эштән курыкмыйм. Ашарга да пешерәм. Күңел биреп эшләсәң, бөтен эшне башкарып була. Ашка иң беренче чиратта тәмләткеч түгел, ә күңелеңне салырга кирәк.
Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.
